गृहपृष्ठ आईपिएललगत्तै अफगानिस्तानले भारत भ्रमण गर्ने
आईपिएललगत्तै अफगानिस्तानले भारत भ्रमण गर्ने
अफगानिस्तान राष्ट्रिय पुरुष क्रिकेट टोलीले आउँदो जुनमा एक टेस्ट र तीन एकदिवसीय खेलका लागि भारत भ्रमण गर्ने भएको छ।
सोमबार भारतीय क्रिकेट कन्ट्रोल बोर्ड (बिसिसिआई)ले जनाए अनुसार यी दुई टोलीले जुन ६ मा टेस्ट खेल्नेछन्। त्यसपछि क्रमशः जुन १४, १७ र २० मा एकदिवसीय क्रिकेट खेल्ने तालिका रहेको छ।
टेस्ट खेल न्यू चण्डीगडमा हुने छ भने पहिलो एकदिवसीय क्रिकेट धर्मशालामा हुनेछ। त्यस्तै, ओडिआईको दोस्रो खेल लखनउमा हुनेछ भने तेस्रो खेल चेन्नईमा हुनेछ।
यो शृङ्खला आईपीएल समाप्त भएको छ दिन पछि सुरु हुन्छ, आईपिएलको फाइनल खेल मे ३१ मा खेलिने तय भएको छ।
प्रकाशित समय : १६:२९ बजे
