भारत र श्रीलंकामा जारी टी २० विश्वकपमा अस्ट्रेलियाको यात्रा समूह चरणसम्मै सीमित रह्यो । जिम्बावे र श्रीलंकासँग हारेपछि अस्ट्रेलियाको सुपर एट सम्भावना झिनो रहेको थियो । तर, मंगलबार जिम्बावे र आयरल्यान्डबीचको खेल वर्षाको कारण रद्द भएपछि अस्ट्रेलियाको त्यो झिनो आस पनि सकियो ।

समूह बी बाट लगातार तीन खेल जित्दै ६ अंक जोडेको श्रीलंका र ५ अंक जोडेको जिम्बाब्वे सुपर एटमा पुगेका छन् । अस्ट्रेलियाको तीन खेलमा २ अंक मात्रै रहेको छ । आयरल्यान्डलाई हराएको अस्ट्रेलियाले आफ्नो अन्तिम खेलमा ओमानसँग खेल्नेछ ।

गत अमेरिका र वेस्ट इन्डिजमा सम्पन्न टी २० विश्वकपमा अस्ट्रेलिया सुपर एटबाट बाहिरिएको थियो । उक्त विश्वकपमा अस्ट्रेलिया सुपर एटअन्तर्गत् समूहमा तेस्रो भएको थियो । जसमा, अस्टे«लियाले बंगलादेशलाई हराएर राम्रो शुरुआत गरेपनि त्यसपछि अफगानिस्तान र भारतसँग हारेको थियो ।

प्रकाशित समय : १३:२९ बजे