विद्यार्थी आन्दोलनपछि उथलपुथल भएको बंगलादेशमा बिहीबार संसद् र मनमतसंग्रहका लागि एकसाथ मतदान भइरहेको छ । लामो विद्यार्थी आन्दोलनपछि तत्कालीन प्रधानमन्त्री शेख हसिना भागेर भात पुगेकी छिन् । त्यसपछि सेनाको ब्याकिङमा मोहम्मद युनुसको नेतृत्वमा सल्लाहकार सरकार गठन भएको थियो ।

आन्दोलनको १८ महिनापछि मतदान हुँदै गर्दा हसिनाको पार्टी अवामी लिगमाथि भने प्रतिबन्ध लगाइएको छ । बंगलादेशको एक अदालतले हसिनालाई मृत्युदण्डको सजायसमेत सुनाएको छ ।

बंगलादेशी सञ्चार माध्यमहरूले उत्सावपूर्ण मतदान भइरहेको उल्लेख गरेका छन् । द डेली स्टारले धेरै मतदान केन्द्रहरूमा उत्सवमय वातावरण देखिएको उल्लेख गरेको छ । शान्ति सुव्यवस्था कायम राख्न र सुरक्षा सुनिश्चित गर्न सुरक्षाकर्मीहरू तैनाथ गरिएको थियो ।

ढाका तथा अन्य जिल्लाका विभिन्न मतदान केन्द्रहरूको अवलोकनका क्रममा धेरै मतदाता—धेरैजसो समूहमा—फज्रको नमाज अदा गरेलगत्तै बिहानै मतदान गर्न आएको पाएइएको द डेली स्टारले जनाएको छ ।

लामबद्ध रूपमा उभिँदा मुस्कुराउँदै र आपसमा कुराकानी गर्दै मतदाताहरूले निर्वाचनमा सहभागी हुन पाउँदा उत्साह व्यक्त गरेका थिए ।

प्रकाशित समय : ११:२८ बजे