नेपाल टेलिकमले बिलिङ प्रणाली खरिदसम्बन्धी ठेक्कामा छनोट भएको चिनियाँ कम्पनी हुवावे टेक्नोलोजिजले प्रस्ताव गरेको मूल्य खोल्ने काम स्थगित गरेको छ ।

यो ठेक्कामा सेटिङ गरेर ठूलो अनियमितताको खेल भइरहेको तथ्य नेपाल प्रेसले प्रस्तुत गरेपछि मूल्य खोल्ने मिति अनिश्चितकालका लागि सारिएको छ । जेनजी आन्दोलनका कारण उत्पन्न परिस्थितिको कारण देखाउँदै मूल्य खोल्ने मिति स्थगन गरिएको हो । प्रक्रिया रद्द भने गरिएको छैन ।

गत १४ भदौमा टेलिकमले बोलपत्रमा भाग लिएका दुई कम्पनीहरुमध्ये हुवावे मात्र प्राविधिकरूपमा योग्य ठहरिएको भन्दै ३० भदौमा मूल्य खोल्ने निर्णय गरेको थियो ।

प्रकाशित समय : १७:४४ बजे