कर्मचारीको अवकाश उमेर हदमा सरकार आफ्नो अडानबाट पछि हटेको छ । प्रतिनिधिसभाले टुंग्याएको उमेर हदको विषय उल्ट्याउने प्रयासमा राष्ट्रियसभाको विधायन व्यवस्थापन समितिमा विरोध भएपछि सरकार अडानबाट पछि हटेको हो ।

सोमबारको बैठकमा संघीय मामिला तथा सामान्य प्रशासनमन्त्री भगवती न्यौपानेले कर्मचारीको अवकाश उमेर ऐन लागू भएको वर्षमा ५९ बनाउनुपर्ने प्रस्ताव राखेकी थिइन् ।

उक्त प्रस्तावमा प्रतिपक्षी दलहरूले विरोध जनाएका थिए । प्रतिनिधिसभामा छलफलपछि विधेयकले ऐनको रूप लिएर लागू भएको आर्थिक वर्षमा ५८ वर्षमा अवकाश हुने, त्यसपछिको वर्षमा ५९ वर्षमा र तेस्रो वर्षदेखि ६० वर्षमा अवकाश हुने गरी सहमति जुटेको थियो।

प्रकाशित समय : ११:०२ बजे