इङ्लिस प्रिमियर लिग क्लब चेल्सीका स्ट्राइकर निकोलस ज्याक्सन जर्मन बुन्डेस लिगा क्लब बायर्न म्युनिखमा आबद्ध भएका छन् । उनी चेल्सीबाट ऋणमा बायर्न म्युनिख पुगेको समाचारमा जनाइएको छ ।

आफ्नो नयाँ क्लबबाट निश्चित संख्यामा खेल खेलेपछि बायर्न म्युनिखले निकोलस ज्याक्सनलाई पाँच करोड ६२ लाख पाउण्डमा किन्नु पर्ने शर्तमा उनी जर्मन पुगेका हुन् । २४ वर्षीय स्ट्राइकर निकोलसका लागि हाल बायर्न म्युनिखले एक करोड ४३ लाख पाउण्ड खर्चिएको समाचारमा जनाइएको छ ।

हालसका लागि उनी सन् २०२५–२६ सिजनभर बायर्न म्युनिखमा रहने छन् । सेनेगलको राष्ट्रिय टोलीका प्रभावशाली सदस्यसमेत रहेका ज्याक्सन सन् २०२३ मा चेल्सीमा आबद्ध भएका थिए ।

प्रकाशित समय : १०:५६ बजे