लुम्बिनी विकास बैंक लिमिटेडले १८ औं वार्षिकोत्सवको उपलक्ष्यमा विभिन्न कार्यक्रमहरु गरेको छ ।
बैंकले वार्षिकोत्सवको अवसरमा आज केन्द्रिय कार्यालय डिल्लीबजार तथा शाखा कार्यालय न्युरोड पोखरामा रक्तदान कार्यक्रमको आयोजना गरे । उक्त रक्तदान कार्यक्रममा १५६ जना रक्तदाताले रक्तदान गरे । बैंकले २० वर्ष भन्दा बढी विभिन्न तह र जिम्मेवारीमा रहि सेवा प्रदान गर्दै आएका कर्मचारीलाई सम्मान पनि गरे । सञ्चालक समितिका सदस्यहरु र ब्यवस्थापनको उपस्थितिमा बैंकका अध्यक्ष चिन्तामणी भट्टराई र का.मु. प्रमुख कार्यकारी अधिकृत उमेश रेग्मीले सयुक्तरुपमा कर्मचारीलाई दीर्घ सेवा पदक र मायाको चिनो प्रदान गरे ।

बैंकका का.मु. प्रमुख कार्यकारी अधिकृत उमेश रेग्मीले उपस्थित सम्पुर्णमा शुभ कामना सहित स्वागत मन्तब्य राखे । सञ्चालक केशव खतिवाडाले शुभकामना मन्तव्य व्यक्त गरेको थियो । साथै अध्यक्ष चिन्तामणी भट्टराईले सम्पुर्ण ग्राहक, शेयरधनी तथा कर्मचारीहरुलाई शुभकामना प्रदान गरे ।
देशका ७ वटै प्रदेशमा शाखा सञ्चालन गरि कारोबार गर्दै आइरहेको लुम्बिनी विकास बैंक लिमिटेडको बिभिन्न स्थानहरुमा गरी ८९ वटा शाखा कार्यालयहरु तथा एक विस्तारित शाखा (एक्सटेन्सन काउण्टर) स्थापना भएको छ । यस लुम्बिनी विकास बैंक लिमिटेडले “निरन्तर सहयात्रा” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।

प्रकाशित समय : १८:०६ बजे