मोरङको विराटनगरमा सिटी सफारी भित्र छुटेको नगद र मोबाइलसहितको झोला प्रहरीले फेला पारेर सम्बन्धित व्यक्तिलाई बुझाएको छ ।

८० वर्षीय ईश्वर प्रसाद उपाध्यायले विराटनगर ५ स्थित जानकी चोकमा ओर्लिएपछि आफ्नो झोला सिटी सफारीमै छुटेको भनी प्रहरीमा निवेदन दिएका थिए। झोलाभित्र नगद सत्तहत्तर हजार पाँच सय, एक थान आइफोन मोबाइल र केही व्यक्तिगत कागजातहरू रहेका थिए ।

जिल्ला प्रहरी कार्यालय मोरङले निवेदनका आधारमा सीसीटीभी फुटेजको सहायताले खोजी गर्दा प्रदेश १–००–२ ह ३९३० नम्बरको सिटी सफारी पत्ता लागेको र सम्बन्धित सामान फेला पारिएको जनाएको छ ।

प्रकाशित समय : १९:५२ बजे