सुन्दरबजार नगरपालिकाले सडक आश्रित मानवमुक्त नगरपालिका निर्माणका लागि प्रतिबद्धता जनाएको छ । ‘सडक आश्रित मानवमुक्त राष्ट्र निर्माण अभियान’ अन्तरगत मानवसेवा आश्रमले आयोजना गरेको अन्तरक्रिया कार्यक्रममा नगरपालिकाले सहकार्यको प्रतिबद्धता जनाएको हो ।

अन्तरक्रिया कार्यक्रममा मानव सेवा आश्रम लमजुङकी संयोजक अनिता अधिकारीले अभियानमा सुन्दरबजार नगरपालिकाको साथ र सहकार्य अपरिहार्य रहेको उल्लेख गर्दै प्रस्ताव पेस गरेकी थिइन । कार्यक्रममा नगरप्रमुख कृष्णप्रसाद कोइरालाले मानव सेवा आश्रमको उद्देश्य र अभियान मानवताको उच्चतम रूप भएको उल्लेख गर्दै नगरपालिकाको तर्फबाट पूर्ण साथ र सहयोग रहने बताइन ।

कार्यक्रममा नगरउपप्रमुख भवानी केसी, प्रमुख प्रशासकीय अधिकृत रमेश घर्ती, वडाध्यक्ष, कार्यपालिका सदस्यहरु लगायतको उपस्थिति थियो । संयोजक अधिकारीले जिल्लाका सबै स्थानीय तहसँग सहकार्य गर्दै सडकमा बस्नेहरुको उद्धार, संरक्षण र पुनःस्थापनाका लागि कार्यक्रम सञ्चालन भइरहेको जानकारी दिए।

प्रकाशित समय : १९:४१ बजे