रिलायबल नेपाल लाइफ इन्स्योरेन्सको म्युचुअल फन्डमा आवेदन दिने म्याद थपिएको छ।

इन्स्योरेन्सले बीमा क्षेत्रकै पहिलो ‘रिलायबल समृद्धि योजना’ नामक म्युचुअल फन्डका इकाइ खरिदका लागि आज वैशाख ७ गतेसम्मको समय दिईएकोमा म्याद थप गरिएको हो । रिलायबल इन्भेस्टमेन्ट एन्ड मर्चेन्ट क्यापिटलकाअनुसार यो म्युचुअल फन्डमा अब वैशाख १७ गतेसम्म आवेदन दिन सकिनेछ।

यस योजनाका १ अर्ब रुपैयाँको बिजपुँजीबराबरको १० रुपैयाँ अंकित दरका कुल १० करोड इकाइ बिक्री खुला गरिएको छ। कुल इकाइमध्ये १५ प्रतिशतले हुन आउने १ करोड ५० लाख इकाइमध्ये कोष प्रवद्र्धक रिलायबल नेपाल लाइफलाई १४ प्रतिशतले हुन आउने १ करोड ४० लाख इकाइ र १ प्रतिशतले हुन आउने १० लाख इकाइ योजना व्यवस्थापक रिलायबल क्यापिटललाई छुट्याइएको छ। बाँकी ८ करोड ५० लाख इकाइको सार्वजनिक निष्कासन गरिएको छ।

प्रकाशित समय : ११:३४ बजे