राष्ट्रिय स्वतन्त्र पार्टीका सभापति रवि लामिछानेविरुद्ध सहकारी ठगीमा दुई जिल्ला अदालतले गरेका आदेशको कैफियत प्रतिवेदन उच्च अदालत पुगेका छन् ।

कास्की जिल्ला अदालतले सूर्यदर्शन सहकारी ठगी मुद्दामा ६५ लाख धरौटीमा रिहा गर्ने आदेश दिएको थियो । सोको कैफियत प्रतिवेदन उच्च अदालत पोखरामा पुगेको छ ।

यस्तै, सुप्रिम सहकारी ठगीमा रुपन्देही जिल्ला अदालतले एक करोड धरौटीमा रिहा गर्ने आदेश दिएको थियो । सोको कैफियत प्रतिवेदन उच्च अदालत तुल्सीपुरको बुटवल इजलासमा पुगेको छ । बुटवल इजलासले बुधबार आइपुगेको कैफियत प्रतिवेदन दर्ता गरेर अर्को हप्तालाई पेसी तोक्ने तयारी गरेको छ ।

प्रकाशित समय : १७:२२ बजे