तमु ल्होसारका अवसरमा काठमाडौंमा तीन दिने महोत्सव हुने भएको छ ।

राष्ट्रपति र प्रधानमन्त्रीको उपस्थितिमा आगामी पुस १३, १४ र १५ गते काठमाडौंको टुँडिखेलमा महोत्सव आयोजना गर्न लागिएको आयोजक तमू ह्युल छोंज धीं गुरुङ राष्ट्रिय परिषद तमू ल्होसार मूल आयोजक समितिले जनाएको छ ।

यस वर्ष राष्ट्रपति र प्रधानमन्त्रीको प्रमुख आतिथ्यतामा गुरुङ अग्रज व्यक्तित्वहरुको समुपस्थिति र काठमाडौं उपत्यकामा रहेका संघ संस्थाहरु एकै स्थानमा भेला भइ महोत्सव मनाउन लागिएको प्रेस विज्ञप्ति जारी गर्दै आयोजकले जनाएको छ ।

कार्यक्रम आयोजनाको लागि तमु ह्युल छोंज धिं गुरुङ राष्ट्रिय परिषद काठमाडौं उपत्यका प्रमुखको संयोजकत्वमा एक सचिवालय र त्यस अन्तरगत करिब २२ वटा उपसमितिहरु गठन गरी कार्यविभाजन गरेको छ । कार्यक्रमलाई मुख्य प्रायोजन जाउलाखेल ग्रुफ अफ इण्डष्ट्रिजले गरेको छ । ‘विज्ञप्तिमा भनिएको छ’

प्रकाशित समय : १७:५८ बजे