क्षतिग्रस्त सडकको पुनर्निर्माण र सुरक्षित आवास छिट्टै हुन्छ : मन्त्री लम्सालफिस्टुला उपचार केन्द्र प्रदेश अस्पताल सुर्खेतलाई हस्तान्तरण
वि.सं.२०८१ कात्तिक ४ आइतवार १७:५४
3.13K
shares
shares
फिस्टुला उपचार केन्द्र प्रदेश अस्पताल सुर्खेतलाई हस्तान्तरण गरिएको छ ।
इन्टरनेशनल नेपाल फेलोसिप (आईएनएफ) र तत्कालीन मध्यपश्चिमाञ्चल क्षेत्रीय अस्पतालको साझेदारीमा सन् २००९ देखि सञ्चालित प्रसव फिस्टुला उपचारद्वारा नेपालका ग्रामीण भेगका फिस्टुला प्रभावित महिलाको स्वास्थ्य सेवाका लागि निर्माण गरिएको फिस्टुला उपचार केन्द्रको हस्तान्तरण गरिएको हो ।
केन्द्रलाई आइतबार कर्णाली प्रदेश सरकारका सामाजिक विकास मन्त्री घनश्याम भण्डारी र आईएनएफ नेपालका कार्यकारिणी समिति अध्यक्ष रामचन्द्र तिमोथीको उपस्थितिमा प्रदेश अस्पताल सुर्खेतलाई हस्तान्तरण गरिएको हो ।
उक्त कार्यक्रममा सामाजिक विकास मन्त्री भण्डारीले आर्थिक सहयोगमा प्रदेश सरकार तयार भएपनि जनशक्तिको अभाव हुन नदिन जनशक्ति व्यवस्थापन गरिदिन आग्रह गरे ।
साथै उनले सन् २०३० सम्म फिस्टुला उन्मूलनका लागि प्रदेश सरकार निरन्तर लाग्ने प्रतिबद्धता पनि जनाए ।
