परराष्ट्रमन्त्री डा. आरजु राणा देउवा र नागरिक सुरक्षा, प्रजातन्त्र र मानवअधिकारसम्बन्धी अमेरिकी उपविदेशमन्त्री उज्रा जियाबीच भेटवार्ता भएको छ ।

संयुक्त राज्य अमेरिकाको वासिङ्टन डिसीमा आज भएको सो भेटवार्तामा उनीहरूबीच शान्ति, मानवधिकार र प्रजातन्त्रका विषयमा छलफल भएको थियो । सो अवसरमा नेपालको संसद्ले हालै पारित गरेको सङ्क्रमणकालीन न्यायसम्बन्धी कानुनका विषयमा पनि कुराकानी भएको डिसीस्थित नेपाली दूतावासले जनाएको छ ।

मन्त्री डा राणाले नेपालको संसदले बेपत्ता पारिएका व्यक्तिको छानबिन, सत्यनिरुपण तथा मेलमिलापसम्बन्धी कानुन पारित भएको र सो कानुन पीडितमैत्री भएकाले शान्ति प्रक्रियाका बाँकी काम पनि छिट्टै निष्कर्षमा पुग्ने स्पष्ट पारे ।

संयुक्त राष्ट्रसङ्घीय ७९औँ महासभामा भाग लिने क्रममा अमेरिका आएकी मन्त्री डा. राणा आइतबार वासिङ्टन आइपुगेको छ ।

प्रकाशित समय : २२:२४ बजे