काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

यू-१९ विश्वकप : पहिलो सेमिफाइनलमा भारत र दक्षिण अफ्रिकाको प्रतिस्पर्धा

5.57K
shares

आईसीसी यू–१९ विश्वकपको पहिलो सेमिफाइनल मंगलबार हुँदैछ । पहिलो सेमिफाइनलमा दक्षिण अफ्रिकाले भारतको सामना गर्नेछ । सुपर सिक्सको समूह ‘ए’को विजेता भारत र समूह ‘बी’को उपविजेता दक्षिण अफ्रिकाको भेट पहिलो सेमिफाइनलमा हुन लागेको हो ।
यो खेल मंगलबार दिउँसो नेपाली समय अनुसार १ बजेर ४५ मिनेटमा दक्षिण अफ्रिकाको बेनोनी मैदानमा हुनेछ ।

चार खेलमा चारमै जित निकाल्दै आठ अंकसहित भारत समूह विजेता बन्दै सेमिफाइनलमा पुगेको हो । अर्को समूहको दक्षिण अफ्रिका चार खेलमा एउटामा पराजित भएर ६ अंकसहित उपविजेता बनेको हो ।

दोस्रो सेमिफाइनलमा भने समूह ‘बी’को विजेता अस्ट्रेलिया र समूह ‘ए’को उपविजेता पाकिस्तानले बिहीबार प्रतिस्पर्धा गर्दैछन् । चार खेलमा सबै जित निकाल्दै आठ अंक बनाएको पाकिस्तान रनरेटका आधारमा समूह ‘ए’ को उपविजेता बनेको हो । यता समूह ‘बी’मा भने चार खेलमा तीन जित निकाल्दै अस्ट्रेलिया सात अंक बनाएर समूहको विजेता बनेको हो । उसले एउटा खेलमा वेस्ट इन्डिजसँग अंक बाँडेको थियो ।

यू–१९ विश्वकपको फाइनल भने अर्को आइतबार हुनेछ ।