प्रस्तावित प्रधानन्यायाधीश हरिकृष्ण कार्कीसँग आज सांसदहरुले सवाल–जवाफ गर्ने कार्यसूची तयार पारिएको छ । संसदीय सुनुवाइको क्रममा आज कार्की र सांसदबीच सवाल जवाफ हुने भएको हो ।

बिहीबारको बैठकमा आफ्नो कार्ययोजना प्रस्तुत गरेका कार्कीलाई आज संसदका सदस्यहरुले प्रश्न सोध्ने र उनले उत्तर दिने छन् । सवाल जवाफका लागि समितिको बैठक आज बिहान ८ बजे बस्ने छ ।

संसदीय समितिले नाम अनुमोदन गरे हाल कायम मुकायम प्रधानन्यायाधीश रहेका कार्की प्रधानन्यायाधीश नियुक्त हुनेछन् । कार्कीलाई प्रधानन्यायाधीश नियुक्त गर्न गत वैशाख २५ गते संवैधानिक परिषद्को बैठकले सिफारिस गरेको थियो ।

प्रकाशित समय : ०७:२३ बजे