आज संसद बैठक चलिरहेको बेला राष्ट्रिय स्वतन्त्र पार्टीका सांसद शिशिर खनालले प्रधानमन्त्रीलाई भैँसी चडेर नेपाल फर्कीएको भनेपछि संसद भित्र हँगामा भएको छ ।

सत्ता पक्षका सांसदहरुले खनालले बोलेको शब्द संसदीय मर्यादा भित्र नपर्ने भन्दै त्यो संसदको रेकर्डबाट हटाउने माग राखेका छन् ।

‘मलाई लागेको थियो भारत भ्रमणमा रहनु भएको प्रधानमन्त्री न्यु भर्खरै उद्घाटन गर्नु भएको गौतमबुद्ध विमानस्थलबाट आउनु हुन्छ,’ खनालले संसदमा भनेको थिए, ‘तर, प्रधानमन्त्री भैँसी चडेर आएको चर्चा चलिरहेको छ ।’

खनालको कुरा सक्न नपाई संसदमा हँगामा मचिएको थियो । सत्ता पक्षका सांसदले त्यसलाई हटाउन पर्छ भन्ने थियो भने रास्वपा सहित एमालेले पनि खनालको बचाउमा लागेका थिए ।
रास्वपाका सभापति रवी लामिछानेले भने उक्त बोलेको शब्द हटाउने भए प्रधानमन्त्रीले बोलेको ‘भैँसी चडेर आएको’शब्द भएपनि हटाउनु पर्ने माग राखेका थिए ।

प्रकाशित समय : १३:२७ बजे