प्रधानमन्त्री पुष्पकमल दाहाल प्रचण्डलेृ प्रतिनिधिसभाको अवरोध हटाउने सभामुख देवराज घिमिरेसँग टेलिफोन संवाद गरेका छन् ।

टेलिफोन संवादमा सभामुख घिमिरेले बजेट पारित गर्न समयको चाप रहेको स्मरण गराउँदै विपक्षी दलसँग संवाद गर्न प्रधानमन्त्रीलाई आग्रह गरेको उनको सचिवालयले जनाएको छ ।

समयमा नै संवादबाट निकास खोजौँ, अब सदन अवरोध भइरहेकको प्रधानमन्त्रीलाई सभामुखले प्रधानमन्त्रीलाई जानकारी गराएका थिए । प्रधानमन्त्रीको भारत भ्रमणका कारण चार दिन व्यतित भइसकेको छ । अझै सदनमा अवरोध हुने हो भने बजेट पारित गर्न समय अभाव हुन्छ भनेर यो विषयमा चासो. दिएको उनको भनाइ छ ।

जवाफमा प्रधानमान्त्रीले प्रचण्डले सदनमा विपक्षीले उठाएको मागबारे आफू जानकार रहेको बताउँदै आजको संसदमा आफूले प्रस्टिकरण दिने जानकारी गराएका छन् । एमाले अध्यक्ष केपी शर्मा ओलीसहित विपक्षी दलसँग पनि कुरा गरेर चाँडै अहिले भइरहेको समस्या समाधान गर्ने आश्वासन दिएका छन् ।

आइतबार प्रतिनिधिसभा अवरोध भएलगत्तै सभामुखले प्रधानमन्त्रीसँग टेलिफोन संवाद गरेका हुन् । सभामुखले आइतबार साँझ नै फेरि सदनको अवरोध हटाउन सरकारका तर्फबाट पहल गर्न आग्रह गरेका थिए ।

सभामुखले एमाले प्रमुख सचेतक पदम गिरी, रास्वपा प्रमुख सचेतक सन्तोष परियार र राप्रपा प्रमुख सचेतक ज्ञानबहादुर शाही मार्फत विपक्षी दलहरूलाई बजेट पारित गर्ने समयसीमा बुझिदिन आग्रह गरेका थिए ।

प्रकाशित समय : १०:०१ बजे