बंगालको खाडीमा विकसित न्यूनचापीय प्रणाली शक्तिशाली चक्रवातमा परिणत भएको छ । ‘मोखा’ नाम दिइएको यो चक्रवातलाई नेपालका मौसमविदले पनि नजिकबाट नियालिरहेको बताएका छन् ।

नेपालमा यसको असर कस्तो रहला ? जल तथा मौसम विज्ञान विभागका अनुसार नेपालमा त्यसको खासै ठूलो असर पर्ने छैन ।

नेपालमा यसले वर्षा गराउनेभन्दा पनि बदली गराउने मौसमविदको भनाइ छ । त्यसैको असरले आज कोशी प्रदेश र मधेश प्रदेशमा बादल लागेको छ ।

चक्रवातको पर–परका बादलहरु बेला–बेलामा आक्कलझुक्कल नेपालको आकाशमाथि आउने र त्यसको असरले आंशिक बदली हुने विज्ञहरुको भनाइ छ ।

प्रकाशित समय : १०:२१ बजे