भ्रष्टाचार न्यूनीकरण गर्न सबैले प्रयास गर्नुपर्ने नेपाली कांग्रेसका सांसद शशांक कोइरालाले बताएका छन् । आज प्रतिनिधिसभा बैठकमा बोल्दै सांसद कोइरालाले भ्रष्टाचार एउटा गम्भीर रोग बनेको भन्दै त्यसलाई निर्मूल पार्न नसकिने अवस्थासम्म पुगेको जिकिर गरेका छन् ।

उनले भने, ‘वास्तवमा भ्रष्टाचार भनेको हामीले नै गर्ने हो । हामीले नगर्ने हो भने भ्रष्टाचार कम भइहाल्छ । यसलाई निर्मूल गर्न सकिन्छ कि सकिँदैन ? कतिपय देशले त निर्मूल पनि गरेका छन्,’ उनले भने, ‘तर मलाई लाग्छ, भ्रष्टाचार निर्मूल गर्नै नसकिने विषय होइन, तर हामीले त्यसलाई प्रयत्न गर्नुपर्ने हुन्छ,’।

भ्रष्टाचारमा सरकारले शून्य सहनशीलताको नीति लिनुपर्ने उनको भनाई छ । ‘बीपी कोइराला प्रधानमन्त्री हुँदा उहाँको भाइले नयाँ जुत्ता लगाउनुभयो, जब त्यसको स्रोतमाथि प्रश्न उठ्यो, उहाँले त्यही दिन उहाँलाई बर्खास्त गरिदिनुभयो । भ्रष्टाचारमा सरकारको, राजनीतिक नेतृत्वको त्यो किसिमको शून्य सहनशीलता हुनुपर्छ,’ उनले भने ।