नेप्से परिसूचक २७.२१ अंकले बढेको छ । मंगलबार २७ अंकले नेप्से परिसूचक उकालो लागे पनि कारोबार भने एक अर्बभन्दा कम रहेको छ ।

आज ९४ करोड ५२ लाख ४९ हजार रुपैयाँ बराबरको ३३ लाख १५ हजार कित सेयर कारोबार भएको छ । २६२ कम्पनीको सेयर किनबेच भएको नेप्सेमा कालिञ्चोक केवलकारका लगानीकर्ता सबैभन्दा बढी कमाउनेमा छन् । यस्तै आर्दश लघुवित्तका लगानीकर्ताले समेत कमाएका छन् ।

आज सानिमा मिडिल तमोर हाइड्रोपावरको ३.५४ प्रतिशतले सेयर मूल्य घटेको छ । त्यस्तै, प्राइम बैंकको डिभेन्चर, एनसीसी डिभेन्चर २०८६, एनआइबीएल प्रगति फण्ड लगायत अन्य कम्पनीको सेयर मूल्य घटेको छ ।

सर्वाधिक शिवम् सिमेन्ट्सको ७ करोड १० लाख रुपैयाँमाथिको कारोबार भएको छ । त्यस्तै, सानिमा मिडिल तमोर हाइड्रोपावरको ५ करोड ३ लाख, प्रभु बैंकको ३ करोड १३ लाख, हिमालयन डिष्टिलरीको ३ करोड ८ लाख रुपैयाँ र नबिल बैंकको २ करोड २९ लाख रुपैयाँमाथिको कारोबार भएको छ ।

आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो । यस दिन उत्पादन तथा प्रशोधन समूहको परिसूचक सर्वाधिक ३.२८ प्रतिशतले बढेको छ । यस्तै, वित्त र विकास बैंक समूहको परिसूचक २.४३ र २.३५ प्रतिशतले बढेको छ ।