नेपाली बजारमा आज छापावाल सुनको मूल्य अघिल्लो कारोबार दिनका तुलनामा प्रतितोला एक हजार ७ सय रुपैयाँले बढेको छ ।

आज छापावाल सुनकाे प्रतिताेला मूल्य एक लाख तीन हजार ५ सय रुपैयाँ तोकिएको नेपाल सुनचाँदी व्यवसायी महासंघले जनाएकाे छ । अघिल्लो दिन अर्थात शुक्रबार छापावाल सुन प्रतितोला एक लाख एक हजार ८ सय रुपैयाँमा कारोबार भएको थियाे ।

महासंघका अनुसार आज तेजाबी सुन प्रतितोला एक लाख तीन हजार रुपैयाँमा काराेबार भइरहेकाे छ । यसको मूल्य गत शुक्रबार एक लाख १ हजार ३ सय सय रुपैयाँ थियो ।

आज चाँदीको मूल्य प्रतितोला १ हजार २४५ रुपैयाँ कायम भएको छ । चाँदीको मूल्य प्रति तोला २५ रुपैयाँले वृद्धि भएकाे हाे । शुक्रबार चाँदी प्रतितोला १ हजार २२० रुपैयाँमा कारोबार भएको थियो ।

प्रकाशित समय : ११:३८ बजे