नेपाल मजदुर किसान पार्टी पनि राष्ट्रपति निर्वाचनमा सहभागी नहुने भएको छ । बिहीबार बसेको पार्टीको केन्द्रीय सचिवालय बैठकले निर्वाचनमा सहभागी नहुने निर्णय गरेको प्रतिनिधिसभा सदस्यसमेत रहेका पार्टीका सचिव प्रेम सुवालले बताएका छन् ।

राष्ट्रिय र अन्तर्राष्ट्रिय विषयमा कांग्रेस र एमालेको दृष्टिकोणमा अन्तर नभएको जनाउँदै निर्वाचनमा सहभागी नहुने निर्णय भएको नेमकिपाले जनाएकाे छ । ‘आज मिति २०७९ फागुन २५ गते बिहान १० बजेदेखि दिउँसो ३ बजेसम्म हुने राष्ट्रपतिको निर्वाचनबारे पार्टी केन्द्रीय सचिवालयको बैठकमा छलफल भयो । राष्ट्रपतिको उम्मेदवार व्यक्ति होइन, पार्टीको दृष्टिकोण हो । राष्ट्रिय एवं अन्तर्राष्ट्रिय विषयमा नेका र एमालेको दृष्टिकोणमा तात्त्विक अन्तर छैन,’ विज्ञप्तिमा भनिएकाे छ ।

नेमकिपाका प्रतिनिधि सभामा १ र प्रेदश सभामा ३ सांसद रहेका छन् । यसअघि राप्रपाले पनि सहभागी नहुने निर्णय गरेको थियो । राप्रपाका भने प्रतिनिधि सभामा १४ र प्रदेश सभामा २८ सांसद रहेका छन् ।

यस्तै, प्रतिनिधि सभामा १९ सांसद रहेको रास्वपाले पनि कसलाई मत हाल्ने भन्ने निर्णय गरिसकेको छैन । उक्त दलको बैठक बिहान ११ बजेखि बसिरहेको छ ।

विज्ञप्ति :

प्रकाशित समय : १२:४९ बजे