नेपालका ओपनर आसिफ शेखले एकदिवशीय अन्तर्राष्ट्रिय क्रिकेटमा करिअरको पहिलो शतक पूरा गरेका छन् । उनले १०१ बलमा १० चौका र २ छक्का प्रहार गरे ।

एकदिवशीय अन्तर्राष्ट्रियमा नेपालका लागि शतक बनाउने आसिफ पाँचौैं नेपाली खेलाडी हुन् । यसअघि पारस खड्का, दीपेन्द्रसिंह ऐरी, रोहितकुमार पौडेल र कुशल भुर्तेले एकदिवशीय अन्तर्राष्ट्रियमा शतक बनाएका छन् ।

आसिफले एक दिवशीय क्रिकेटमा एक हजार रन पनि पूरा गरेका छन् ।

आईसीसी क्रिकेट विश्वकप लिग टूमा पपुवा न्युगिनीविरुद्ध ९० रन बनाएलगत्रै उनले एक हजार रनको कोशेढुंगा पार गरेका हुन् ।

एक हजार रन पूरा गर्ने क्रममा उनले ३२ खेल खेलेका छन् । उनले ७ सेप्टेम्बर २०२१ मा पीएनजीविरुद्धको खेलबाटै एक दिवशीय अन्तराष्ट्रिय क्रिकेटमा डेब्यु गरेका थिए।

यसअघि कप्तान रोहितकुमार पौडेलले पनि एक दिवशीय क्रिकेटमा एक हजार रन पूरा गरेका थिए ।

प्रकाशित समय : १२:०२ बजे