टीभीएस स्कुटर तथा मोटरसाइकलको लागि नेपालको आधिकारिक बिक्रेता जगदम्बा मोटर्सले नेपालभरका ३० मुख्य सहरमा टीभीएस एनटर्क स्कुटर माइलेज क्याम्प सञ्चालन गरिरहेको छ ।

यस माइलेज क्याम्पमा माइलेज टेस्ट, स्कुटर चेक क्याम्प र माइलेज र्‍याली जस्ता विभिन्न कार्यक्रमहरु गरिएको थियो । यस माइलेज क्याम्पमा सहभागी सबै एनटर्क राइडरहरुलाई फ्रि सर्भिसिङ र स्पेयर पार्ट्समा १० प्रतिशत छुटको साथै लेबर चार्जमा शतप्रतिशत छुटको व्यवस्था गरिएको छ । सहभागीहरुलाई विभिन्न सम्मान पत्र, गिफ्ट ह्याम्पर्स र अन्य पुरस्कारहरु प्रदान गरिने पनि कम्पनीले जनाएको छ ।

जगदम्बा मोटर्सका सीइओ दिपक अग्रवालले माइलेज क्याम्प गर्नुको मुख्य उद्देश्य ग्राहकहरुसँग भेटघाट र अन्तर्क्रिया गर्नु रहेको बताए । ‘जसमा नेपालभरका विभिन्न सहरबाट उत्साहजनक सहभागिता रहेको छ। हाम्रा उत्पादनहरुले हाम्रा ग्राहकहरुलाई दिएको सन्तुष्टि र खुसी देखेर हामी अत्यन्तै खुसी छौं’ उनले भने ।

यस माइलेज क्याम्पमा अहिलेसम्म काठमाडौं, नारायणघाट, हेटौंडा, पोखरा, नेपालगञ्ज, बिर्तामोड लगायत अन्य सहरबाट १००० भन्दा बढी एनटर्क राइडर सहभागी भइसकेका छन् । माइलेज चेक अप क्याम्पमा स्कुटर चेक अप गराएपछि आफ्नो स्कुटरको माइलेज पनि बढेको र यसबाट आफूहरु खुसी भएको सहभागीहरुको प्रतिक्रिया छ ।

माइलेज क्याम्पमा सहभागी हुन आफ्नो नजिकैको टीभीएस शोरुम अथवा सर्भिस सेन्टरमा गएर आफ्नो स्कुटरको माइलेज चेक गराउन सक्नेछन् ।

प्रकाशित समय : १७:५५ बजे