गृहपृष्ठ मुस्ताङको थासाङमा बस दुर्घटना हुँदा १६ जना घाइते
मुस्ताङको थासाङमा बस दुर्घटना हुँदा १६ जना घाइते
मुस्ताङमा यात्रुवाहक बस दुर्घटना हुँदा १६ जना घाइते भएका छन् । बुधबार बिहान पोखराका लागि छुटेको यात्रुवाहक बस दुर्घटना भएको हो ।
जिल्ला ट्राफिक प्रहरी कार्यालय मुस्ताङका असई कृष्ण पोखरेलका अनुसार ना ७ ख ७४४० नम्बरको बस मुस्ताङको थासाङ गाउँपालिका वडा नम्बर ३ स्थित धम्पुमा दुर्घटनाग्रस्त भएको हो ।
कालीगण्डकी करिडोरअन्तर्गत म्याग्दी–जोमसोम सडकखण्डमा दुर्घटना भएको हो । बस कालीगण्डकीमा खसेको प्रहरीले जनाएको छ ।
जिल्ला प्रहरी कार्यालय मुस्ताङका सूचना अधिकृत प्रहरी निरीक्षक राजकुमार तामाङले बसमा १७ जना रहेको बताए । घाइतेहरूलाई उपचारका लागि नजिकै रहेको लेते अस्पताल लगिएको प्रहरीले जनाएको छ ।
प्रकाशित समय : ११:५१ बजे
