कोरोना भाइरसको संक्रमणबाट बुधबार थप एकजनाको मृत्यु भएको छ । महाराजगञ्जस्थित त्रिवि शिक्षण अस्पतालमा उपचाररत दोलखाका ७६ वर्षीय व्यक्तिको मृत्यु भएको छ ।

दोलखाका ७६ वर्षीय व्यक्तिको मृत्यु भएसँगै कोरोनाबाट मृत्यु हुनेको संख्या ९ पुगेको स्वास्थ्य मन्त्रालयका प्रवक्ता डा. विकास देवकोटाले जानकारी दिए ।

दोलखा भिमेश्वर नगरपालिका- २, का ७६ वर्षीय वृद्ध लडेर टाउकोमा चोट लागेपछि सुरुमा गौरीशंकर सामुदायिक अस्पताल भर्ना गरिएको थियो । जेठ ११ गते उनलाई अस्पतालले काठमाडौं रेफर गरेको थियो ।

हेमोरेजिक स्ट्रोक भएपछि उनी जेठ १३ गते काठमाडौंको सिनामंगलस्थित काठमाडौं मेडिकल कलेजमा भर्ना भएका थिए । शल्यक्रियापछि जेठ १५ गते स्वाब परीक्षणका क्रममा संक्रमण देखिएपछि उनलाई त्रिवि शिक्षण अस्पतालमा सारिएको थियो ।

प्रकाशित समय : २३:२९ बजे