जनकपुरको जानकी चोकमा रहेको गिता गिफ्ट हाउसका सञ्चालक ३६ वर्षीय श्याम र उनका बुवा ५५ वर्षीय झगरु चौधरी प्रहरीबाट कुटिएका छन् । बिहीबार दिउँसो प्रहरीले आफूहरुलाई कुटेको पीडितको आरोप छ ।

लकडाउनको बेला पसल खोलेको भन्दै जिल्ला प्रहरी कार्यालय धनुषाबाट खटिएका प्रहरीले लाठी र लात्ताले कुटपिट गरेको श्याम चौधरीले बताए । उनीहरु दुवैको शरीरमा नीलडाम रहेको छ । श्यामलाई प्रहरीले केही समय नियन्त्रणमा समेत लिएका थियो । पछि स्थानीय व्यापारी र व्यवसायीहरुको समन्वयमा उनलाई छाडिएको छ ।

अमानवीय तरिकाले प्रहरीद्वारा कुटपिट भएको घटनाप्रति जनकपुरधाम उद्योग वाणिज्य संघले आपत्ति जनाएको छ । विज्ञप्ति जारी गर्दै संघले व्यापारीलाई निर्घात रुपमा कुटपिट गर्ने प्रहरीमाथि कडाभन्दा कडा कारबाहीको माग गरेको छ ।

प्रकाशित समय : २२:२२ बजे