पछिल्लो २४ घण्टाभित्र नेपालमा बिहीबार थप ३३४ जनामा कोरोनाभाइरस संक्रमण पुष्टि भएको छ । यो संख्या एकैदिन संक्रमण पुष्टि भएकामध्ये अहिलेसम्मकै बढी हो । योसँगै कोरोना संक्रमितको संख्या २६३४ पुगेको छ ।

बुधबारसम्म नेपालमा कोरोना संक्रमितको संख्या २३०० रहेकामा बिहीबार थप ३३४ जनामा संक्रमण पुष्टि भएको  बिहीबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. विकास देवकोटाले सो जानकारी दिए ।

प्रवक्ता डा. विकास देवकोटाले दिएको जानकारीअनुसार बिहीबार दैलेखमा मात्र ११३ जना संक्रमित थपिएका छन् । उनीहरु मध्ये १०८ जना नारायण नगरपालिका र ७ जना नौमुले नगरपालिकाको क्वारेन्टिनमा छन् ।

थप १२ जना संक्रमित निको भएर घर फर्किएको प्रवक्ता डा. देवकोटाले जानकारी दिए । यससँगै नेपालमा कोरोना जितेर घर फर्किनेको संख्या २९० पुगेको छ । हालसम्म ९ जना संक्रमितको मृत्यु भएको छ । सरकारले हाल विभिन्न स्थानका २१ प्रयोगशालाबाट परीक्षण गर्दै आएको छ ।

थपिएका नयाँ संक्रमित :

मोरङका १ जना
पर्साका १ जना
झापाका ३ जना
ताप्लेजुङका १ जना
मोरङ १ जना
सप्तरीका १३ जना
बाराका ७ जना
सिन्धुली १ जना
रौतहटका १ जना
बागलुङ १० जना
म्याग्दीका १ जना
पर्वतका ४ जना
स्याङ्जा १ जना
डोटीका ३ जना
बाँकेका ४२ जना
कपिलबस्तुका १७
दाङका १५ जना
मुगु १ जना
दैलेखका १ सय ५ जना
झापाका २ जना
खोटाङका ३ जना
दैलेखका ८ जना
बाराका ५ जना
धनुषा ६ जना
कपिलबस्तुका १२ जना
महोत्तरीमा ३ जना
रौतहटका ६४ जना
सर्लाहीका ३ जना

प्रकाशित समय : २२:३१ बजे