आज सेयर काराेबार मापक नेप्से झिनाे अंकले घटेकाे छ । सेयरबजारमा आज २.५७ अंकको गिरावट आएको हाे ।

नेपाल स्टक एक्सचेन्जका अनुसार नेप्से १९५६.३६ विन्दुमा पुगेको छ । मंगलबार २२६ कम्पनीको २७ लाख ७३ हजार कित्ता सेयर १८ हजार ४७२ पटकको खरिदबिक्रीमा १ अर्ब ५ करोडको कारोबार भएको छ । काराेबार रकम अघिल्लाे दिनकाे तुलनामा घटेकाे हाे । साेमबार २२४ वटा कम्पनीकाे ४९ लाख ४४ हजार ७६ कित्ता सेयर किनबेच हुँदा २ अर्ब १० करोड ९१ लाख रुपैयाँकाे काराेबार भएकाे थियाे ।

आज फाइनान्स, निर्जीवन बिमा, अन्य, जीवन बिमाको सूचक बढे पनि बाँकी घटेका छन् । यसअनुसार ५८ कम्पनीको सेयर बढेको, ११४ वटाको घटेको र १२ वटाको उही मूल्यमा कारोबार भएको छ ।

प्रकाशित समय : १५:३९ बजे