गृहपृष्ठ लक्ष्मी बैंक खुला गल्फ प्रतियोगिता हुँदै
लक्ष्मी बैंक खुला गल्फ प्रतियोगिता हुँदै
लक्ष्मी बैंकले यही शनिबार गोकर्ण गल्फ क्लबमा ‘लक्ष्मी बैंक ओपन गल्फ प्रतियोगिता-२०२२’ आयोजना गर्ने भएको छ । यो प्रतियोगिता सन् २०१४ मा सुरू भएको वार्षिक प्रतियोगिताको ७औं संस्करण हो ।
यसमा ६० वर्ष र माथिका र १७ वर्षभन्दा कम उमेरकासहित सयभन्दा बढी गल्फर विभिन्न विधामा ट्रफीका लागि भिड्ने बैंकले जनाएको छ ।
सन् २००२ मा नेपालको १६औं वाणिज्य बैंकका रूपमा स्थापित लक्ष्मी बैंकले देशभर १४३ शाखा, १३ एक्सटेन्सन काउन्टर, ५ हस्पिटल सेवा काउन्टर, ५० जिल्लामा १७६ एटीएम र ६३ शाखारहित बैंकिङ एजेन्टमार्फत् सेवा दिइरहेको छ ।
प्रकाशित समय : १६:५५ बजे
