ज्योति लाइफ इन्स्योेरेन्स कम्पनी लिमिटेडका सञ्चालक जयन्त कुमार अग्रवाल राउण्ड टेवल इन्टरनेशनलको अध्यक्षमा निर्वाचित भएका छन् । शिक्षा र स्वास्थ्य क्षेत्रअन्तर्गत सामाजिक कार्यमा सक्रिय गैरनाफामूलक संस्था राउण्ड टेवल इन्टरनेशनल २०२२–२३ को अध्यक्षमा अग्रवाल निर्वाचित भएका हुन् ।

उक्त पदमा निर्वाचित हुने उनी पहिलो नेपाली हुन् । राउण्ड टेबल संसारको ६८ देशहरुमा क्रियाशील संस्था हो । अहिलेसम्म राउण्ड टेवल नेपालले ३४८ कक्षा कोठासहित ५८ वटा विद्यालय निर्माण गरेको छ । यस संस्थाको उद्देश्य युवाहरुलाई सक्रिय बनाउने र सामाजिक कार्यका लागि प्रेरित गर्ने हो ।

राउण्ड टेवलमा १८ देखि ४० वर्ष उमेर समूहका गैर–राजनीतिक र गैर–साम्प्रदायिक युवाहरू सामेल छन् । युवाहरूको उद्देश्य राष्ट्रिय र अन्तर्राष्ट्रिय मामिलामा सेवा, सद्भाव र सद्भावनालाई प्रवद्र्धन गर्नु हो ।

प्रकाशित समय : ०९:५७ बजे