नेपाली राष्ट्रिय क्रिकेट टिमका कप्तान सन्दीप लामिछानेलाई पक्राउ गर्न अदालतले अनुमति दिएको छ । बलात्कारकाे आराेप लागेका लामिछानेलाई पक्राउ गर्न जिल्ला अदालत, काठमाडौंले बिहीबार अनुमति दिएकाे एक उच्च प्रहरी अधिकृतले बताए ।

लामिछोनेविरुद्ध एक नाबालिग किशोरीले बलात्कारको जाहेरी दिएकी छन् । त्यसबारे अनुसन्धानका लागि लामिछानेलाई पक्राउ गर्न प्रहरीले बुधबार अदालतसँग अनुमति मागेको थियो । अदालती प्रक्रियाका कारण ढिलाइ हुँदा बुधबार पक्राउका लागि अनुमति प्राप्त भएकाे थिएन ।

अब प्रहरीले लामिछानेलाई कुनै पनि बेला पक्राउ गर्न सक्छ । उनी हाल देशबाहिर छन् । नेपाल क्रिकेट संघ (क्यान)का अनुसार उनले आफ्नो संलग्नता अस्वीकार गर्दै कानुनी सहायताका लागि अनुरोध गरेका छन् ।

प्रकाशित समय : १४:३९ बजे