गृहपृष्ठ प्रधानमन्त्री देउवा राष्ट्रसंघको महासभामा सहभागी नहुने

प्रधानमन्त्री देउवा राष्ट्रसंघको महासभामा सहभागी नहुने

प्रधानमन्त्री देउवा राष्ट्रसंघको महासभामा सहभागी नहुने

अमेरिका भ्रमणको गृहकार्य गरे पनि दुई मुलुकबीचमा मिति तय नभएपछि रोकिएका प्रधानमन्त्री शेरबहादुर देउवा आगामी संयुक्त राष्ट्र संघ (यूएन) को ७७ औं महासभामा सहभागी हुन नजाने भएका छन् ।

गत वर्ष नयाँ सरकार बनेपछि प्रधानमन्त्री देउवाले यही वर्षको असारको अन्त्य वा साउनको पहिलो साता अमेरिका भ्रमण गर्ने गरी परराष्ट्र मन्त्रालयले गृहकार्य गरेको थियो । तर संयोग हो वा होइन, त्यसबीचमा अमेरिकी स्टेट पार्टनरसिप प्रोग्राम (एसपीपी) लाई नेपालले असार ६ गते अस्वीकार गर्ने निर्णय गर्‍यो, त्यसपछि प्रधानमन्त्री देउवाको वासिङ्टन डीसीको भ्रमणको योजना अघि बढ्न सकेन ।

त्यसपछि प्रधानमन्त्री देउवा यूएनको महासभामा अमेरिका जाने र त्यही बेलामा द्विपक्षीय भ्रमण पनि गर्ने गृहकार्य पनि भएको थियो । ‘तर नेपालमा निर्वाचनको मिति तय भइसकेको र अमेरिकाबाट पनि द्विपक्षीय भ्रमणको बारेमा कुनै पनि ठोस मिति नआएपछि महासभामा नजाने भएको हुन्,’ परराष्ट्र स्रोतले भन्यो ।

प्रधानमन्त्री देउवा महासभामा नजाने बालुवाटारबाट जानकारी आएपछि परराष्ट्र मन्त्री नारायण खड्काले यस पटक पनि न्युयोर्क गएर नेपालको तर्फबाट सम्बोधन गर्ने गरी परराष्ट्र मन्त्रालयको गृहकार्य भएको हो ।

प्रकाशित समय : ०७:१७ बजे

प्रतिक्रिया दिनुहोस्

सम्बन्धित शीर्षकहरु