नेपाल र केन्याबीचको दोस्रो एक दिवसीय क्रिकेट खेल आज हुँदैछ । खेल नैरोवीस्थित जिमखाना क्रिकेट मैदानमा सवा १२ बजे सुरु हुनेछ ।

केन्या भ्रमणमा रहेको नेपालले पहिलो खेलमा घरेलु टोलीलाई ७ विकेटले हराउँदै तीन खेलको शृंखलामा १–० को अग्रता बनाइसकेको छ ।

आजको खेल जित्दै शृंखला जित्ने योजनामा नेपाल रहेको छ । नियमित कप्तान सन्दीप लामिछाने सीपीएल खेल्न वेष्ट इन्डिज जाँदा रोहित पौडेलले नेपालको कप्तानी गरेका थिए ।

नेपालले पाँच खेलको टी–२० अन्तर्राष्ट्रिय शृंखला ३–२ ले जितेको थियो ।

युवा खेलाडीलाई अवसर दिँदै आएको घरेलु टोली केन्याले दोस्रो खेलमा पनि नयाँ खेलाडीलाई अवसर दिने सम्भावना छ ।

नेपाल र केन्याबीचको तेस्रो एक दिवसीय खेल सोमबार हुनेछ ।

प्रकाशित समय : ११:२९ बजे