परराष्ट्रमन्त्री खनालसँग नेपालका लागि बेलायती राजदूत फेनको भेटवार्ता
नेप्सेमा झिनो अंकको सुधार, कारोबार रकम खुम्चियो
वि.सं.२०७९ भदौ १३ सोमवार १५:३८
10.42K
shares
shares
सेयर बजार परिसूचक नेप्सेमा आज झिनाे अंककाे सुधार आएकाे छ । सोमबार नेप्से ३.७६ अंकले बढेकाे हाे । यद्यपि नेप्से अझै २ हजार अंकभन्दा तल नै छ । सेन्सिटिभ सूचक पनि आज १.७७ अंकले बढेको छ ।
आइतबार नेप्से ३३.३६ अंकले घटेर १९८९.२६ विन्दुमा कायम भएकाे थियाे । त्यस दिन २२४ कम्पनीको ६१ लाख ४८ हजार ३४१ कित्ता सेयर किनबेच हुँदा २ अर्ब ५ कराेड ९७ लाख रुपैयाँमाथिको कारोबार भएकाे थियाे ।
आज भने काराेबार रकम खुम्चिएकाे छ । १ अर्ब २६ करोड रुपैयाँको मात्र कारोबार भएको छ । आज बजारमा २२२ कम्पनीको ३४ लाख कित्ता सेयर २६ हजार २४ पटक खरिदबिक्री भए ।
सोमबार वाणिज्य बैंक, माइक्रोफाइनान्स, म्युचुअल फन्ड र लगानी समूहको सूचक झरेका छन् भने अन्य समूहको बढेका छन् । आज विन लघुवित्तका लगानीकर्ताले ७.४८ प्रतिशत आम्दानी गरेका छन् । गुमाउने लगानीकर्ताले आज ५.७० प्रतिशतसम्म गुमाउनुपरेको छ । दोस्रो कारोबार दिन नेपाल टेलिकमको ११ करोडको सर्वाधिक कारोबार भएको छ ।
