शिवम् सिमेन्टको विशेष साधारणसभा भदौ १० गते हुने भएको छ ।

कम्पनीले विशेष प्रबन्धपत्र तथा नियमावली संशोधन गर्न भदौ १० गते (शुक्रबार) विशेष साधारणसभा बस्ने भएको हो । विशेषसभा कम्पनीको कर्पोरेट कार्यालयको सभाहल अनामनगर, काठमाडौंमा बिहान ११ बजे सुरु हुने छ । कम्पनीले गणपूरक संख्या परिवर्तन गर्ने मुख्य प्रस्तावसहित विशेष साधारणसभा बोलाएको हो ।

हाल कम्पनीको नियमावलीमा कुल सेयर संख्याको ६७ प्रतिशत रहेको गणपूरक संख्या घटाएर कुल सेयर संख्याको ५१ प्रतिशत बनाउने प्रस्ताव सभामा पेश गरिने भएको छ ।

यस्तै, सञ्चालक समिति सदस्यको संख्या घटाउने प्रस्ताव पनि रहेको छ । हाल स्वतन्त्र व्यावसायिक विशेषज्ञ सञ्चालकसहित ७ जनाको सञ्चालक समिति रहेकामा घटाएर ६ जनामा सीमित गर्ने प्रस्ताव रहेको छ । कम्पनीले सभा प्रयोजनका लागि भदौ २ गते बुक क्लोज गरेको छ । त्यसैले, भदौ १ गतेसम्म कायम रहेका सेयरधनीहरु मात्र सभामा भाग लिन सक्नेछन् ।

प्रकाशित समय : १२:०८ बजे