एनपीएलस् कर्णालीलाई पराजित गर्दै लुम्बिनी प्लेअफमा
नेपालगन्जको भेरी अस्पतालमा आमासहित जुम्ल्याहा शिशुको मृत्यु
वि.सं.२०७९ साउन ३१ मंगलवार ०९:२३
9.95K
shares
shares
उपचारका लागि नेपालगन्जस्थित भेरी अस्पताल पुगेकी गर्भवतीसहित जुम्ल्याहा शिशुको मृत्यु गएको छ । अस्पतालका अनुसार नेपालगन्ज उपमहानगरपालिका वडा नम्बर ७ निवासी २२ वर्षीया नाधिया खातुनको मृत्यु भएको हो ।
चिकित्सकले खातुनको पेट शल्यक्रिया गरेर जुम्ल्याहा बच्चा निकालेका थिए । शल्यक्रिया गरेको केहीबेरमै सोमबार दिउँसो ३ बजेतिर आमा र जुम्ल्याहा शिशुको मृत्यु भएको हो ।
३२ साताकी गर्भवती आमासँगै जुम्ल्याहा शिशुको पनि ज्यान जाँदा आफन्तजन उत्तेजित हुन पुगेका थिए । उच्च रक्तचापले आत्तिएर अघिल्लो रात अस्पताल पुगेकी २२ वर्षीया महिलाको मृत्यु भएपछि शोकाकुल परिवार र आफन्तले तनाव सिर्जना गरेका छन् ।
उनीहरुले चिकित्सकको लापरबाहीले आमा र शिशुको ज्यान गएको भन्दै छानबिनको माग गरेका छन् ।
