सिप्रदी ट्रेडिङ प्रालिले टाटा नेक्सन ईभीको नेपाली बजारमा बिक्री वितरण प्रारम्भ गरेको प्रथम वर्ष सफलतापूर्वक पूरा गरेको छ । पहिलो वर्ष सफलतापूर्वक पूरा गरेको कम्पनीले जनाएको छ ।

छोटो अवधिमै यसले आफूलाई एक अत्यन्त लोकप्रिय विद्युतीय गाडीको रुपमा स्थापित गरेको कम्पनीले जनाएको छ । मुलुकको विद्युतीय गाडीको कुल बजारको बढी अंश नेक्सन ईभी एक्लैले ओगटेको कम्पनीले दाबी गरेको छ ।

सफलताको प्रमुख कारण आकर्षक बनावट, समुन्नत जिपट्रन प्रविधि, न्यून सञ्चालन खर्च, उत्कृष्ट कार्यक्षमता रहेको कम्पनीले उल्लेख गरेको छ ।

यसैगरी द्रुत चार्जिङ क्षमता, लामो ब्याट्री आयु र समुच्च सुरक्षाका विशेषताहरु र ‘फास्ट चार्जिङ’ र ‘स्लो चार्जिङ’ दुवैको लागि चर्जिङ स्टेसनको बृहत् सञ्जाल एवं अत्याधुनिक सुविधाको कारण नेक्सन ईभीले आफूलाई सर्वोकृष्ट साबित गर्न सक्षम भएको कम्पनीले जनाएको छ ।

यो एपको प्रयोग हाल १ हजारभन्दा बढी पुगेका छन् ।

दक्ष कर्मचारी एवं भौतिक संशाधनहरुको प्रभावकारी परिचालन गरी सिप्रदीले नेक्सन ईभीका हरेक ग्राहकको घरमा चार्जर जडान गर्ने प्रक्रिया पनि सञ्चालन गरिरहेको जनाएको छ ।

यस कम्पनीको १६ डिसी फास्ट चार्जरको सबैभन्दा व्यापक सञ्जाल रहेको छ भने यसले हालसम्म होटेल, अस्पताल, बैंक, मल र रेस्टुरेन्ट जस्ता सार्वजनिक स्थानहरुमा १२० भन्दा बढी एसी चार्जरहरु जडान गरेको छ ।

प्रकाशित समय : १३:४४ बजे