नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले प्रजातान्त्रिक लडाईंमा सहिद भएकाहरूलाई नेपाली कांग्रेसले उचित सम्मान दिन नसकेको आरोप लगाएका छन् । भीमदत्त पन्त लगायतका सहिदलाई कहिल्यै आफ्नो सहिद नमानेको भन्दै उनले कांग्रेसलाई भीमदत्त पन्तको नाम लिँदा पनि सिरिंग हुने बताए ।

नेपाली समाजलाई समृद्ध नेपाल, सुखी नेपाली बनाएर छोड्ने अध्यक्ष ओलीले बताएका छन् । शनिबार कम्युनिष्ट पार्टीका संस्थापक महासचिव पुष्पलाल श्रेष्ठको ४४औं स्मृति दिवसलाई सम्बोधन गर्दै ओलीले पार्टी अध्यक्षको हैसियतमा आफू पुष्पलाल र अन्य अग्रजहरूले देखाएको बाटोबाट विचलित नहुने प्रण गरे ।

उनले अध्यक्ष ओलीले देशको सबैभन्दा सचेत, संगठित, सवल, विस्तृत, परिवर्तनकारी शक्ति नेकपा एमाले नै रहेकोले पार्टीलाई अझै सशक्त बनाएर लैजाने बताए । ‘आज देशको सबैभन्दा सचेत, संगठित, सवल, विस्तृत, परिवर्तनकारी शक्ति र सबैभन्दा सवल शक्तिको रुपमा, सबैभन्दा बलियो शक्तिको रुपमा पुष्पलालले स्थापना गर्नुभएको नेकपा एमाले यो ठाउँमा छ,’ उनले भने ।

प्रकाशित समय : ११:५५ बजे