एनआइसी एसिया बैंकले असार १२ गतेदेखि असार मसान्तसम्मका लागि ल्याएको निक्षेपको १० गुणासम्म प्राप्त हुने ‘एनआइसी एसिया सर्वश्रेष्ठ १० गुणा मुद्दती योजना’ साउन मसान्तसम्म निरन्तरता दिने भएको छ ।

योजनामा देश तथा विदेशमा बसेका नेपाली तथा विभिन्न संस्थाले देखाएको अभूतपूर्व सहभागिता, रुचि एवं चासोलाई सम्मान गर्दै बैंकले यस योजनालाई थप एक महिनाका लागि निरन्तरता दिने निर्णय गरेको हो ।

यस योजनामा निक्षेपकर्ताले ५ वर्ष १० महिनादेखि १९ वर्ष १० महिनासम्म मुद्दती खातामा रकम जम्मा गरेअनुसार दुई गुणादेखि १० गुणासम्म निक्षेप रकम फिर्ता पाउनेछन् भने आफूले निक्षेप गरेको रकम र पाकेको ब्याज गरी कुल रकमको ८० प्रतिशत बराबर कर्जासमेत लिन सक्नेछन् ।

बैंकले मुलुकभर रहेका ३५९ शाखा कार्यालय, ४७३ एटीएम, १०२ वटा विस्तारित काउन्टर एवं ८१ वटा शाखारहित बैंकिङमार्फत बैंकिङ सेवा प्रदान गर्दै आइरहेको छ ।

प्रकाशित समय : १७:५१ बजे