एनएमबी बैंकले यातायात जगतमा डिजिटल भुक्तानी च्यानल प्रवर्धन गर्न एन–क्लाउड प्रालिसंँग सम्झौता गरेको छ । सम्झौतापत्रमा एनएमबी बैंकका प्रमुख कार्यकारी अधिकृत सुनिल केसी र एन–क्लाउडका प्रमुख कार्यकारी अधिकृत दिपेन्द्रनारायण श्रेष्ठले हस्ताक्षर गरेका छन् ।

सम्झौताले सम्पर्करहित कार्ड र पिओएस टर्मिनलहरूको माध्यमबाट सार्वजनिक यातायातहरूमा डिजिटल भुक्तानी संकलन प्रणाली लागू गर्नेछ । परियोजनाको सुरुवात किपु बस सेवा प्रालिसँग हुनेछ, जहाँ यात्रुले बस भाडा कार्डको प्रयोग गरी सम्पर्करहित भुक्तानी गर्न सक्नेछन् ।

कोभिड–१९ को प्रतिकल परिस्थिति र अपनाउनुपर्ने सुरक्षा उपायहरूको माझमा गरिएको यो सम्झौता सामाजिक दूरी कायम गर्न मद्दत पु¥याउन यातायात क्षेत्रमा यस परिवेशमा प्रदान गरिएकोे पहिलो प्रयास हो । यो परियोजना नेपाल राष्ट्र बैंकको निर्देशनअनुरूप डिजिटाइजेसनतर्फ केन्द्रित रही नगदबाट नगदरहित समाज रूपान्तरणको दिशामा उन्मुख छ ।

बैंकले चाँडै नै अन्य बस समितिहरुसँग समझदारी गरी समानान्तर बस भाडा संकलन प्रणालीका लागि अन्य बस अपरेटरहरूसँग पनि सहकार्य सुरू गर्ने उद्देश्य लिएको छ । ‘हालको परिप्रेक्ष्यमा यो सेवाको सुरुवात गर्नु सुरक्षाको मामलामा कुनै सम्झौता बिना ग्राहकलाई विद्युतीय वित्तीय सेवा छनौट गर्न सहयोग पु¥याउने सुरक्षित वातावरण तयार पार्नु हो,’ बैंकद्वारा जारी विज्ञप्तिमा उल्लेख छ ।

प्रकाशित समय : ००:५५ बजे