हुम्लाको खार्पुनाथ गाउँपालिका ४ छिप्रामा एक करोडको लागतमा स्वास्थ्य चौकी तथा बर्थिङ सेन्टर स्थापना हुने भएको छ ।

खार्पुनाथ गाउँपालिकाले एक करोडको लगानीमा स्वास्थ्य चौकी तथा बर्थिङ सेन्टर बनाउन लागेको हो । स्वास्थ्य क्षेत्रमा भौतिक पूर्वाधार तयार हुँदा अब विशेषज्ञ प्राविधिक जनशक्ति उपलब्ध गराउनका लागि आवश्यक पहल गर्ने कर्णाली प्रदेश प्रतिपक्ष दलका नेता तथा नेपाली कांग्रेसका केन्द्रीय सदस्य जीवनबहादुर शाहीले बताए ।

अब खार्पुनाथ गाउँपालिका ४ का छिप्रा, माँजा, नल्न र लेखका स्थानीयहरुलाई उपचारका लागि सदरमुकाम सिमिकोट जानुपर्ने बाध्यता हटेको स्थानीय डबलबहादुर हमालले खुशी व्यक्त गरे । अब गाउँमा स्वास्थ्य सेवाका लागि सुविधा थपिदा स्थानीय महिला, बालबालिका, जेष्ठ नागरिक तथा विशेष अवस्थाका नागरिकले घरदैलोमा नै स्वास्थ्य सेवा पाउने विश्वास खार्पुनाथ गाउँपालिका अध्यक्ष कर्ण रावलले बताए ।

प्रकाशित समय : १७:२४ बजे