यातायात व्यवस्था कार्यालय कर्णाली प्रदेशले पहिलो पटक सवारी चालक अनुमतिपत्र वितरण कार्य सुरु गरेको छ । यातायात व्यवस्था कार्यालय कर्णाली प्रदेश सुर्खेतमा स्थापना भएपछि सुरु गरिएको नयाँ सवारी चालक अनुमति पत्रका लागि परीक्षा उत्तीर्ण भएकाहरुलाई बिहीबारबाट लाइसेन्स वितरण गरिएको हो ।

बिहीबार ६५९ जनालाई कार्यालयले चालक अनुमतिपत्र वितरण गरेको जनाएको छ । कर्णाली प्रदेशका मुख्यमन्त्री महेन्द्रबहादुर शाहीले वीरेन्द्रनगरकी गीताञ्जली पुरीलाई पहिलोपटक चालक अनुमतिपत्र वितरण गरे ।

अनुमतिपत्र वितरण गर्दै मुख्यमन्त्री शाहीले यातायात व्यवस्था कार्यालय भनेको अन्य कार्यालयभन्दा निकै संवेदनशील भएको भन्दै कुनै पनि काममा नागरिक खबरदारी गर्ने चेतना नभएसम्म सुधार र रुपान्तरण नहुने उल्लेख गरे । उनले सेवामा ढिलासुस्ती हुन नदिनका लागि कर्णाली सरकार सुर्खेतमा नै लाइसेन्स प्रिन्ट गर्ने व्यवस्था गर्नेका लागि आवश्यक तयारीमा जुटेको बताए ।

प्रकाशित समय : २२:१७ बजे