४५६ मेगावाटको माथिल्लो तामाकोसी जलविद्युत् आयोजना निर्माण गरी सञ्चालनमा ल्याएको अपर तामाकोसी हाइड्रो पावर लिमिटेडले आफ्ना सेयरधनीलाई १ बराबर १ः५ को अनुपातमा हकप्रद सेयर निष्कासन गर्ने भएको छ । हालको चुक्ता पुँजी ११ अर्ब रुपैयाँलाई बढाएर ३० अर्ब रुपैया पुर्‍याउन उक्त अनुपातमा हकप्रद सेयर निष्कासन गर्न लागेको हो । 

कम्पनीका प्रमुख कार्यकारी अधिकृत विज्ञानप्रसाद श्रेष्ठले भने कति परिमाण वा अनुपातमा निष्कासन गर्ने भन्ने यकिन नभएको तर प्रक्रिया अगाडि बढाइएको बताए । 

कम्पनी सञ्चालक समितिले यस विषयमा निर्णय गरिसकेको र विद्युत् नियमन आयोगबाट समेत वार्षिक साधारणसभामा एजेन्डा लैजान स्वीकृत लिइसकेको जनाइएको छ । सँगै धितोपत्र बोर्डबाट स्वीकृत लिनका लागि पनि आवेदन दिइएको तर त्यहाँबाट काम अगाडि नबढेको बताइएको छ । 

हरेक आर्थिक वर्षको ५ महिनाभित्र अर्थात् पुसभित्र वार्षिक साधारणसभा गर्नुपर्ने प्रावधान रहे पनि कम्पनीको आर्थिक वर्ष २०७८÷७९ को साधारणसभा भएको छैन । अब यो वर्ष दुई वर्षको साधारणसभा गरेर हकप्रद सेयर निष्कासन पारित गर्नुपर्ने हुन्छ ।

प्रकाशित समय : ०२:५० बजे