पछिल्लो २४ घण्टामा थप ७८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ५१५ जनाको परीक्षण गर्दा ७८ जनामा संक्रमण भएको हो ।

जसमध्‍ये १ हजार ३८४ जनाको पीसीआर परीक्षण गर्दा ६० जना र २ हजार १३१ जनाको एन्टिजेन परीक्षण गर्दा १८ जना गरी ७८ जनामा संक्रमण देखिएको मन्त्रालयले उल्लेख गरेकाे छ । योसँगै कोरोना भाइरसको सक्रिय संक्रमितको संख्या ५०८ पुगेको छ ।

पछिल्लो २४ घण्टामा २३ जना संक्रमणमुक्त भएका छन् । पछिल्लाे तथ्यांकअनुसार नेपालमा ९ लाख ६७ हजार ५९८ जना संक्रमणमुक्त भइसकेका छन् । बिहीबार थपिएसँगै नेपालमा कोरोना संक्रमितको कुल संख्या ११ लाख २० हजार ६३५ पुगेको छ । हालसम्म नेपालमा काेराेनाबाट मृत्‍यु हुनेको संख्या ११ हजार ९५२ पुगेको छ ।

प्रकाशित समय : २२:५७ बजे