गृहपृष्ठ जननेता भण्डारीको ७१औँ जन्मजयन्ती मनाइँदै
जननेता भण्डारीको ७१औँ जन्मजयन्ती मनाइँदै
नेकपा (एमाले)का तत्कालीन महासचिव जननेता मदन भण्डारीको ७१औँ जन्मजयन्ती आज विविध कार्यक्रम गरेर मनाइँदै छ ।
जन्मजयन्ती मनाउन एमालेका जनसंगठनहरू र मदन भण्डारी फाउण्डेशनले विभिन्न कार्यक्रम तय गरेका छन् ।
जयन्तीलाई साताव्यापीरूपमा मनाउन फाउण्डेशनले यही असार १० गतेदेखि असार १६ गतेसम्मका कार्यक्रम तय गरेको छ ।
फाउण्डेशनले आज मुख्य कार्यक्रमका रूपमा ‘जनताको बहुदीय जनवाद (जबजः राष्ट्र निर्माणको आधार’ विषयमा विचारगोष्ठी र मदन भण्डारी राष्ट्रिय पुरस्कार वितरण कार्यक्रम आयोजना गरेको छ ।
विसं २०५० जेठ ३ गते चितवनको दासढुंगामा भएको जिप दुर्घटनामा नेता भण्डारी र संगठन विभागका प्रमुख जीवराज आश्रितको निधन भएको थियो ।
प्रकाशित समय : १९:३४ बजे
