अमेरिकी स्टेट पाटर्नरसिप प्रोग्राम (एसपीपी)मा सामेल हुने भन्दै नेपाली सेनाले सन् २०१५ को अक्टोबर २७ (२०७२ साल कात्तिक १० गते)मा पत्र पठाएको पुष्टि भएकाे छ । केपी शर्मा ओली प्रधानमन्त्री बनिसकेपछि अमेरिकालाई पत्र पठाइएकाे खुलेको हाे ।

तत्कालीन प्रधानसेनापति राजेन्द्र क्षेत्रीले हस्ताक्षर गरेको पत्रमा चाँडै एसपीपीको सदस्य बन्न लागेकामा खुसी व्यक्त गरिएको छ । पत्रमा तत्कालीन अमेरिकी राजदूत अलाइना बी तेप्लिजलाई सम्बाेधन गरिएकाे छ । याेसँगै एसपीपीका विषयमा नेपाली सेनाले बुधबार जारी गरेको ध्यानाकर्षण पत्र पनि गलत सावित भएको छ । सेनाले एसपीपीमा संलग्न हुनका लागि आफूले पत्राचार नगरेको र कहिल्यै नगर्ने पनि उल्लेख गरिएको थियो ।

प्रतिनिधिसभा बैठकमा एसपीपीका विषयमा प्रमुख प्रतिपक्ष दल नेकपा (एमाले)ले प्रश्न उठाएपछि सांसदहरूबीच आरोप-प्रत्यारोप चलेको थियो ।

नेपाली सेनाले एसपीपीलाई पठाएकाे पत्र :

नेपाली सेनाले बुधबार जारी गरेकाे ध्यानाकर्षण पत्र :

प्रकाशित समय : २३:३० बजे