नेपालका लागि भोल्क्सवागन गाडीको आधिकारिक बिक्री वितरक, पूजा इन्टरनेसनल नेपाल प्रालिले नक्सालमा पनि जर्मन स्ट्यान्डर्डको फ्ल्यागसीप सोरुम खोलेको छ । कम्पनीले ग्राहकको बढ्दो मागअनुसार नक्सालमा ५–तारे अनुभवको अत्याधुनिक सुविधा सम्पन्न सोरुम सञ्चालनमा ल्याएको जनाएको छ ।

नेपालका लागि जर्मनीका राजदूत थोमस प्रिंज, मालीगाउँ प्रहरी चौकीका प्रहरी नायब उपरीक्षक मिनबहादुर कुँवर, विशाल ग्रुपका प्रबन्ध निर्देशक विशाल अग्रवाल र सञ्चारकर्मीको उपस्थितिमा उक्त सोरुम उद्घाटन गरिएको कम्पनीको विज्ञप्तिमा उल्लेख छ ।

सोरुम उद्घाटनमा बोल्दै पूजा इन्टरनेसनल नेपालका प्रमुख कार्यकारी अधिृकत विवेक विजुक्छेंले भने, ‘नक्सालमा जर्मनीको जस्तै अत्याधुनिक सुविधा सम्पन्न सोरुम खोल्न पाउँदा निकै खुसी छौँ । यो सोरुमले ग्राहकलाई भोल्क्सवागनको गाडी खरिद गर्न अझ सजिलो बनाउने छ ।’ 

नयाँ सोरुम उद्घाटनको अवसरमा कम्पनीले आगामी दुई सातासम्म उक्त सोरुमबाट गाडी बुकिङ गर्ने ग्राहकका लागि आकर्षक अफर पनि ल्याएको उनले जानकारी दिए । प्रमुख कार्यकारी अधिकृत विजुक्छेंका अनुसार यो सोरुमबाट आगामी दुई सातासम्म गाडी बुकिङ गर्ने ग्राहकले ४ वर्षसम्म तनाव मुक्त भइ फ्री सर्विसिङ र free consumables पाउने छन् ।  

पूजा इन्टरनेसनलले १२ वर्षदेखि नेपालमा भोल्क्सवागनका गाडी बिक्री वितरण गर्दै आएको छ । भोल्क्सवागनका गाडीहरु बलियो डिजाइन र युरोपेली प्रविधिबाट तयार गरिएकाले नेपाली गाडी पारखीमाझ निकै लोकप्रिय छ । यो नेपालको निकै रुचाइएको ब्रान्ड पनि बनाएको छ ।

 नेपालमा भोल्क्सवागनका १० भन्दा बढी सोरुम र ९ वटा सर्विस सेन्टर सञ्चालनमा रहेका छन् । 
 

प्रकाशित समय : २२:५९ बजे