अमेरिकामा भइरहेको आईसीसी क्रिकेट विश्वकप लिग टु श्रृंखला अन्तर्गत आफ्नो तेस्रो खेलमा नेपालले ओमानलाई ७ विकेटले पराजित गरेको छ । करण केसीको ५ विकेट तथा ओपनरद्वय आसिफ शेख र कुशल भुर्तेलको शतकीय साझेदारीमा नेपालले विश्वकप लिग २ क्रिकेटमा ओमानविरुद्ध सानदार विजय हात पारेको छ ।

नेपालले मंगलबार शीर्ष स्थानको ओमानलाई ७ विकेटले पराजित गर्‍यो । करणको सानदार बलिङपछि टस जितेर ब्याटिङमा आएको ओमान ४६.५ ओभरमा १ सय ६३ रनमा अलआउट भएको थियो ।

ह्युस्टनको मोसा क्रिकेट मैदानमा आसिफ र कुशलले पहिलो विकेटमा नेपालबाट कीर्तिमानी साझेदारी गरेपछि नेपालले ३३.१ ओभरमै लक्ष्य पूरा गर्‍यो । आसिफ ६२ र कुशल ५६ रन बनाई आउट भए । नेपालले मंगलबार शीर्ष स्थानको ओमानलाई ७ विकेटले पराजित गर्‍यो ।

लिग टुमा सातौं जित निकालेको नेपाल १५ खेलबाट १५ अंक जोडेर पाँचौ स्थानमा उक्लेको छ । अब नेपालले श्रृंखलाको अन्तिम खेलमा आजै अमेरिकासँग खेल्नेछ ।

प्रकाशित समय : १३:३५ बजे